2024 жылғы 22-27 сәуір аралығында Қазақстан аумағында "Вакциналар: өткен, қазіргі және болашақ ұрпақтың денсаулығын қорғау" ұранымен иммундау апталығы өткізіледі. Бұл иммундаудың денсаулық пен әл-ауқат үшін маңыздылығы туралы адамдардың хабардарлығын арттыруға бағытталған жыл сайынғы іс-шара.

Дүниежүзілік иммундау апталығын өткізу адамзатты жұқпалы аурулардан сақтайтын негізгі алдын алу шараларының бірі ретінде жұртшылықтың назарын иммундауға аударуға арналған.

Биыл Дүниежүзілік иммундау апталығы кеңейтілген иммундау бағдарламасының 50 жылдығын атап өтеді.

Дүниежүзілік иммундау апталығының мақсаты-балалар мен ересектерді вакцинация арқылы алдын алуға болатын аурулардан қорғауды қамтамасыз ету, бұл оларға бақытты, салауатты өмір сүруге мүмкіндік береді.