Дүниежүзілік денсаулық сақтау ұйымының (ДДСҰ) бастамасымен жыл сайын 28 шілдеде аталып өтетін Дүниежүзілік гепатитке қарсы күрес күні вирустық гепатит туралы хабардарлықты арттыруға бағытталған. Бұл – бауырдың қабынуына әкелетін, бауырдың ауыр зақымдануы мен гепатоцеллюлярлық карциномаға (бауыр ісігіне) себеп болатын қауіпті ауру.

2025 жылғы ұраны: «Гепатитпен күрес: кедергілерді жоямыз». Бұл науқан гепатитті жою мен бауыр обырының тиімді алдын алуға кедергі келтіретін қаржылық, әлеуметтік және жүйелік тосқауылдарды (соның ішінде стигманы) жоюға бағытталған.

Биылғы кампанияның негізгі мақсаттары:

- бауырға зиянды әсерлерді азайту бойынша шаралар қабылдау;

- екпелерді қауіпсіз жүргізу;

- халықты В гепатитіне қарсы вакцинациялау;

- гепатитті уақтылы анықтап, емдеу.

Вирустық гепатиттер бауыр обырының басты себептерінің бірі болып табылады және жылдан жылға өлім-жітім көрсеткішін арттыруда. Жыл сайын бұл ауру жүздеген мың адамның өмірін алып кетеді, көбіне — бауырдың обыры мен циррозы салдарынан.

Гепатитсіз болашақ – кедергілерді жоятын уақыт келді!

Қызметкерлер үшін МӘМС-ға аударымдар мен жарналар