№5 балалар емханасында Даму және ерте араласу орталығы (ДЕАО) өз жұмысын бастады – бұл ерте жастағы балалар мен жүкті әйелдерге жан-жақты және уақтылы қолдау көрсетуді қамтамасыз ету жолындағы маңызды қадам.

Орталықтың құрылуы жаңа қадағалау моделін енгізудің бір бөлігі болды. Бұл модель медициналық және әлеуметтік қауіп-қатерлерді ерте анықтап, олардың алдын алуға бағытталған. Негізгі мақсаты – баланың өмірінің алғашқы күндерінен бастап үйлесімді дамуына ықпал ету және отбасыларға ерте кезеңдерде қолдау көрсету.

ДЕАО жұмысы кешенді және пәнаралық тәсілге негізделген, оған мыналар кіреді:

-жүкті әйелдер мен бес жасқа дейінгі балаларға патронаж жүргізу;

-физикалық және жүйке-психикалық дамуын скринингтік тексеру, оның ішінде аудиологиялық және психофизикалық қарау;

-аутизм спектрі бұзылыстарының белгілерін ерте анықтауға арналған модификацияланған M-CHAT-R тестін қолдану;

-әлеуметтік тұрғыдан осал жағдайдағы отбасыларға және дамуына ауытқуы бар балаларға басым назар аудару;

-педиатрлар, неврологтар, психологтар, логопедтер және әлеуметтік қызметкерлерден тұратын мамандар тобының қатысуымен жеке сүйемелдеу маршруттарын қалыптастыру.

ДЕАО-ның ашылуы – бұл тек медициналық мүмкіндіктердің кеңеюі ғана емес, сонымен қатар әрбір бала мен оның отбасының қажеттіліктеріне бағытталған тиімді ерте көмек жүйесін құру жолындағы сенімді қадам.



Қорына жарналарды төлеуден кім босатылады және мемлекет кімге аударым жасайды