Күз маусымының басталуымен бірге туляремиямен жұқтыру қаупі артады. Бұл- табиғи-ошақты қауіпті инфекция, ол кенелердің шағуы, кеміргіштермен және жабайы жануарлармен байланыс, сондай-ақ ластанған су мен тағам өнімдерін қолдану арқылы жұғады.

Туляремия деген не?
Туляремия - Francisella tularensis бактериясымен қоздырылатын жедел жұқпалы ауру. Ауру жоғары температура, лимфа түйіндерінің ұлғаюы, әлсіздік сияқты белгілермен басталады, ауыр жағдайларда өкпе мен ішкі ағзалар зақымдануы мүмкін.

-Жұқтырған кененің немесе жәндіктің шағуы арқылы;

-Жабайы жануарлармен (әсіресе қояндармен, кеміргіштермен) байланыс кезінде;

-Ластанған суды немесе тамақты қолданғанда;

-Бактериялармен ластанған шаңды (мысалы, шөппен жұмыс істеу кезінде) тыныс алу арқылы.

-Жабайы жануарлармен байланыстан аулақ болыңыз, олардың өлекселеріне тимеңіз;

-Табиғат аясында жүргенде қорғаныш киім киіп, репелленттерді пайдаланыңыз;

-Өз денеңізді және үй жануарларын кенелердің бар-жоғына тексеріңіз;

-Ашық су көздерінен алынған суды қайнатпай ішпеңіз;

-Аң етін бөлшектеу және үй маңындағы шаруашылық жұмыстарын жүргізу кезінде гигиена талаптарын сақтаңыз;

-Егер тұратын аумағыңызда ауру ошағы болса, медицина қызметкерлерінің кеңесімен вакцинациядан өтіңіз.

Есіңізде болсын: егер сізде дене қызуының көтерілуі, әлсіздік, лимфа түйіндерінің ұлғаюы, тамақтың немесе іштің ауыруы сияқты белгілер байқалса- дереу дәрігерге жүгініңіз. Ауруды ерте анықтап, уақытында емдеу асқынулардың алдын алады.