2025 жылғы 1 қазанда әйелдер консультациясында
«Жыныстық жолмен берілетін инфекциялар (ЖЖБИ): алдын алу, диагностикалау, емдеу» тақырыбында дөңгелек үстел өтті.

Пациенттермен кездесуді күндізгі стационардың  дәрігер-гинекологы
Қадырова Аида Нурланқызы жүргізді.

Іс-шара барысында әйелдер жыныстық жолмен берілетін кең таралған инфекциялар, олардың белгілері, диагностика әдістері, заманауи емдеу тәсілдері және алдын алу шаралары туралы жан-жақты ақпарат алды.

ЖЖБИ-дің жүктілікке, әйел денсаулығына және болашақ балаға әсер ету мәселелеріне ерекше назар аударылды.

Кездесу ашық диалог форматында өтті: қатысушылар белсенді түрде сұрақтар қойып, маманнан жеке ұсыныстар алды.

Кездесу соңында ЖЖБИ-дің алдын алу және ерте анықтау бойынша ұсыныстар жазылған парақшалар таратылды.

Дөңгелек үстелдің мақсаты – әйелдердің медициналық көмектің маңыздылығы мен профилактикалық тексерулерден уақытылы өту қажеттілігі туралы хабардарлығын арттыру.