Тұмау — тұмау вирустары қоздыратын жедел респираторлық вирустық инфекция. Ауру негізінен жоғарғы тыныс жолдарын, бронхтарды, ал кей жағдайларда — өкпені зақымдайды. Тұмаумен барлық жастағы адамдар ауыруы мүмкін.

Маусымдық тұмау вирусы тез және оңай тарайды, әсіресе адамдар көп жиналатын орындарда — мектептерде, интернаттарда, қоғамдық көліктерде. Ауру адам жөтелген немесе түшкірген кезде вирустар бар ұсақ тамшылар ауаға тарайды және айналадағы адамдарға жұғуы мүмкін. Сондай-ақ вируспен ластанған заттар арқылы да жұғу ықтималдығы бар.

Инфекцияның таралу қаупін азайту үшін жөтелгенде және түшкіргенде ауыз бен мұрынды бір реттік майлықпен жабу, қолды жиі жуу ұсынылады.

№5 емханада тұмауға қарсы вакцинация жүргізілуде.
Екпе екпе кабинетінде (3-қабат, 325-бөлме) жасалады.
Кабинеттің жұмыс уақыты: дүйсенбі–жұма, сағат 8:00-ден 17:00-ге дейін.

Өзіңізді және жақындарыңызды тұмаудан қорғаңыз — екпені уақытылы салыңыз!



Қызметкерлер үшін МӘМС-ға аударымдар мен жарналар