Алкоголизм – қазіргі қоғамдағы ең маңызды медициналық және әлеуметтік мәселелердің бірі болып қала береді. Дүниежүзілік денсаулық сақтау ұйымының мәліметінше, жыл сайын әлем бойынша миллиондаған адам алкогольді ішімдіктерді тұтынуға байланысты аурулар мен асқынулардан зардап шегеді.

Спиртті ішімдіктерді тұрақты түрде пайдалану адамның барлық ағзалары мен жүйелеріне кері әсер етеді: бауыр, жүрек, қан тамырлары ауруларының даму қаупін арттырады, сондай-ақ психикалық денсаулыққа зиян келтіреді. Алкогольге тәуелділік еңбекке қабілеттіліктің төмендеуіне, отбасылық қатынастардың бұзылуына және әлеуметтік қиындықтарға әкеледі.

Ерекше алаңдаушылық туғызатыны – жастар арасында алкогольді тұтынудың көбеюі. Ерте жаста тәуелділік мінез-құлқының қалыптасуы болашақта денсаулыққа ауыр салдарлар әкелуі мүмкін.

Алкоголизмнің алдын алу – денсаулық сақтау жүйесінің маңызды міндеттерінің бірі.
Біздің емхананың дәрігерлері еске салады:

-алкогольді «шамалы мөлшерде» ішу де тәуелділікке алып келуі мүмкін;

-денсаулықты сақтаудың ең тиімді жолы – спиртті ішімдіктерден толық бас тарту;

-тәуелділіктің алғашқы белгілері байқалған жағдайда уақытылы медициналық және психологиялық көмекке жүгіну қажет.

Салауатты өмір салты, отбасы мен мамандардың қолдауы – алкоголизмнің алдын алудың және физикалық әрі психикалық саулықты сақтаудың сенімді кепілі.



Әлеуметтік маңызы бар аурулар санатына не кіреді және олар қалай қаржыландырылады



Дамумед АЖ үйіне дәрігерді шақыру