3–9 наурыз аралығында Репродуктивті денсаулыққа жауапты көзқарас апталығы өтеді. Репродуктивті денсаулық - бұл тек бала көтеру және дүниеге әкелу қабілеті ғана емес, сонымен қатар репродуктивті жүйе аурулары болмаған жағдайда толық физикалық, психикалық және әлеуметтік әл-ауқат.

Репродуктивті денсаулықты сақтау қарапайым, бірақ маңызды қадамдардан басталады:

Тұрақты профилактикалық тексерулер.
Әйелдерге акушер-гинеколог дәрігеріне, ерлерге уролог дәрігеріне шағымдар болмаған жағдайда да жылына кемінде бір рет қаралу ұсынылады. Ауруларды ерте анықтау репродуктивті функцияны сақтауға және ауыр асқынулардың алдын алуға мүмкіндік береді.

Жыныстық жолмен берілетін инфекциялардың (ЖЖБИ) алдын алу.
ЖЖБИ-ді уақтылы диагностикалау және емдеу қабыну аурулары мен бедеуліктің дамуын болдырмайды.

Зиянды әдеттерден бас тарту.
Темекі шегу мен алкоголь ішу әйелдер мен ерлердің репродуктивті жүйесіне кері әсер етеді. Жүктілікті жоспарлау және жүктілік кезінде спирттік ішімдіктер мен темекіден толық бас тарту қажет. Алкогольдің қауіпсіз мөлшері жоқ.

Салауатты өмір салты.
Теңгерімді тамақтану, жеткілікті дене белсенділігі және созылмалы ауруларды бақылау ағзаның үйлесімді дамуына және гормоналдық тепе-теңдікті сақтауға ықпал етеді.

Жүктілікке дайындықты болжамды ұрықтанудан 2–3 ай бұрын бастау ұсынылады. Бұл кезеңде маңызды:

-медициналық тексеруден өту;

-дәрумендер мен микроэлементтер тапшылығын толықтыру;

-тәулігіне 400–800 мкг мөлшерінде фолий қышқылын қабылдауды бастау;

-дәрігердің ұсынысы бойынша тәулігіне 200 мкг йод қабылдауды қамтамасыз ету.

Жүктілік кезінде дене белсенділігі қалыпты болуы және маманның ұсынысына сәйкес келуі тиіс.

Репродуктивті денсаулыққа жауапты көзқарас - отбасының және болашақ ұрпақтың амандығының негізі. Профилактикалық тексерулер, дұрыс тамақтану және салауатты өмір салты денсаулықты сақтауға және дені сау сәбидің дүниеге келуіне дайындалуға көмектеседі. Бүгін өзіңізге қамқор болыңыз - ертеңгі жарқын болашақ үшін.