Жаңалықтар

2026 жылғы 1 қазаннан бастап емханада маска тағу режимі енгізілді. Бұл шара жедел респираторлық вирустық инфекциялардың (ЖРВИ), тұмаудың және басқа да жұқпалы аурулардың таралуының алдын алуға, сондай-ақ пациенттер мен медицина қызметкерлерін қорғауға бағытталған. Сырқаттанушылықтың маусымдық өсуіне байланысты барлық пациенттер мен оларды алып жүретін адамдардан емханаға барған кезде медициналық маска тағуды сұраймыз. Суық тию белгілері бар: дене қызуының көтерілуі, жөтел, мұрыннан су ағу, тамақтың ауыруы және ЖРВИ-дің басқа да белгілері байқалған адамдардың алдын алу шараларын сақтауы аса маңызды. 😷 Емханаға барған кезде медициналық маска тағыңыз. 🧼 Жеке бас гигиенасы ережелерін сақтаңыз. 🤧 Ауру белгілері пайда болған жағдайда, мүмкіндігінше айналаңыздағы адамдармен байланысты шектеңіз. 💙 Өз денсаулығыңызға және жақындарыңыздың денсаулығына қамқорлық жасаңыз. Өзіңізді және айналаңыздағы адамдарды қорғаңыз! Тегін медициналық көмектің кепілдік берілген көлемінің тізбесі

2026 жылғы 5 қазаннан бастап №5 емханада бекітілген тұрғындарға маусымдық тұмауға қарсы вакцинациялау науқаны басталады. Вакцинация - тұмаудың алдын алудың тиімді тәсілдерінің бірі. Ол ауруды жұқтыру және асқынулардың даму қаупін төмендетуге көмектеседі. Бекітілген тұрғындарды вакцинациядан өтуге және тұмау мен ЖРВИ бойынша сырқаттанушылықтың маусымдық өсуі кезеңі қарсаңында өз денсаулығына қамқорлық жасауға шақырамыз. 👥 Вакцинация кімдерге жүргізіледі? Ең алдымен, тәуекел тобына жататын азаматтарға вакцинация жүргізіледі: -диспансерлік бақылауда тұрған балаларға; -жетім балаларға және ата-анасының қамқорлығынсыз қалған балаларға; -медициналық-әлеуметтік мекемелердегі қызмет алушылар мен қызметкерлерге; -жүкті әйелдерге; -медицина қызметкерлеріне; -педагогтерге; -әскери қызметшілерге; -жүрек-қантамыр жүйесі мен тыныс алу ағзаларының созылмалы аурулары бар адамдарға; -65 жастан асқан азаматтарға; -эпидемиологиялық көрсеткіштер бойынша инфекция жұқтыру қаупі жоғары адамдарға. Вакцинация медицина қызметкерінің тексеруінен кейін және медициналық қарсы көрсетілімдер болмаған жағдайда жүргізіледі. 📍 Вакцинацияны қай жерде алуға болады? 🏥 Ересектер емханасы Мекенжайы: Камзин көшесі, 5 Кабинет: №308, 3-қабат Жұмыс уақыты: 08:00-ден 17:00-ге дейін 👧 Балалар емханасы Мекенжайы: Камзин көшесі, 7 Кабинет: №9, 2-қабат Жұмыс уақыты: 08:00-ден 17:00-ге дейін 💙 Отбасыңыздың денсаулығына қамқорлық жасаңыз! Тұмауға қарсы вакцинациядан уақытылы өтіп, өзіңізді және жақындарыңызды маусымдық аурудан қорғаңыз.   Әлеуметтік маңызы бар аурулар санатына не кіреді және олар қалай қаржыландырылады

Қорғанудың ең жақсы жолы - алдын алу! Адам өмірінің алғашқы күндерінен бастап айналасын қоршаған миллиондаған бактериялар мен вирустармен кездеседі. Жұқпалы аурулардың алдын алудың тиімді тәсілдерінің бірі -  вакцинация . Вакцинация иммундық жүйені жұқпалы ауру қоздырғыштарымен кездесуге алдын ала дайындап, белгілі бір ауруларға қарсы қорғаныс қалыптастыруға көмектеседі. 🛡 ️ ВАКЦИНА ДЕГЕНІМІЗ НЕ? Вакцина  - ағзаға енгізілген кезде иммундық жүйені белгілі бір инфекцияға қарсы иммунитет қалыптастыруға ынталандыратын иммунобиологиялық препарат. Вакцинацияның арқасында ағза ауру қоздырғышын жылдам танып, оған тиімді қарсы тұру мүмкіндігіне ие болады. ❤️ ДЕНСАУЛЫҚҚА ҚАМҚОРЛЫҚ -АЛДЫН АЛУДАН БАСТАЛАДЫ Уақтылы вакцинация адамның өзін ғана емес, айналасындағы адамдарды да қорғауға көмектеседі. Әсіресе денсаулық жағдайына байланысты вакцинация жасатуға мүмкіндігі жоқ адамдар үшін бұл маңызды. Өз денсаулығыңыз бен жақындарыңыздың денсаулығын сақтаңыз -ұлттық профилактикалық екпелер күнтізбесіне сәйкес вакцинациядан уақтылы өтіп тұрыңыз. Профилактика - дені сау болашаққа жасалған маңызды қадам!   Сақтандырылған азаматтар МӘМС бойынша ЭКО- ға сене ала ма

АИТВ - жұқпалы ауру. Оның таралу жолдарын білу және алдын алу шараларын сақтау арқылы инфекцияның алдын алуға болады. АИТВ инфекциясының берілу жолдары АИТВ мына жолдар арқылы берілуі мүмкін: -Парентералды жолмен - тері мен шырышты қабаттардың бүтіндігі бұзылған кезде қан және оның компоненттері арқылы; -Жыныстық жолмен - қорғаныссыз жыныстық қатынас кезінде; -Перинаталдық жолмен - анадан балаға жүктілік, босану кезінде немесе емшек сүтімен емізу барысында. АИТВ қалай берілмейді? АИТВ күнделікті тұрмыстық қарым-қатынас кезінде берілмейді: -ортақ ыдыс пен киімді пайдаланған кезде; -бассейнге, саунаға және дәретханаға барған кезде; -сөйлесу, құшақтасу және қол алысу кезінде; -жөтелу немесе түшкіру арқылы; -достық сүйісу кезінде; -жәндіктердің шағуы арқылы. АИТВ инфекциясының алдын алу Жұқтыру қаупін азайту үшін: -есірткі қолданудан бас тартыңыз; -ерлер мен әйелдерге арналған мүшеқаптарды (презервативтерді) қолданыңыз; -тек бір рет қолданылатын және стерильді медициналық құралдарды пайдаланыңыз; -басқа адамның шприцтерін, инелерін және қанмен жанасуы мүмкін басқа да заттарын пайдаланбаңыз; -АИТВ-ға тұрақты түрде тест тапсырып тұрыңыз. Білім - қауіпсіздіктің негізі. Денсаулыққа қамқорлық өзіңізге және айналаңыздағы адамдарға жауапкершілікпен қараудан басталады. ❤️ Өзіңізді және жақындарыңызды қорғаңыз!   Міндетті әлеуметтік медициналық сақтандыру шеңберіндегі медициналық қызметтер тізбесі

Салауатты қартаю - өз денсаулығыңа бүгіннен бастап қамқорлық жасаудан басталады. Жас ұлғаюы - өмірдің табиғи кезеңі. Кез келген жаста денсаулықты нығайтып, белсенділікті және жақсы көңіл-күйді сақтауға болады. Тұрақты дене белсенділігі, теңгерімді тамақтану және зиянды әдеттерден бас тарту ұзақ жылдар бойы дербестікті сақтап, өмір сапасын жақсартуға көмектеседі. 🥗 Дұрыс тамақтану Дұрыс тамақтану - салауатты қартаюдың маңызды құрамдас бөліктерінің бірі. -Күн сайын кемінде 400 г көкөніс пен жеміс-жидек тұтынуға тырысыңыз - бұл шамамен бес порция. -Табиғи өнімдерге басымдық беріп, жоғары деңгейде өңделген тағамдарды шектеңіз. -Құрамында қант, тұз, қаныққан және трансмайлар көп өнімдерді азайтыңыз. -Күні бойы жеткілікті мөлшерде  таза су  ішуге тырысыңыз. -Тәтті және құрамында қант қосылған сусындарды шектеңіз. 🚶 Дене белсенділігі Қозғалыс денсаулықты, күш-қуатты және дербестікті сақтауға көмектеседі. -Аптасына кемінде 150 минут орташа қарқынды дене белсенділігімен айналысуға тырысыңыз. -Тұрақты дене белсенділігі жүрек-қантамыр аурулары, қант диабеті, қатерлі ісіктің кейбір түрлері және деменция сияқты көптеген жұқпалы емес аурулардың даму қаупін төмендетуге ықпал етеді. -Мүмкіндік болса, бұлшықет күшін, тепе-теңдік пен икемділікті жақсартатын жаттығуларды қосыңыз. -Дене белсенділігі бұлшықетті нығайтуға, сүйек тінінің тығыздығын сақтауға және құлау қаупін азайтуға көмектеседі. -Күнделікті аз ғана қимыл-қозғалыстың өзі мүлдем қозғалыссыз болғаннан әлдеқайда пайдалы. 🚭 Темекі шегуден бас тарту Темекі шегуді тастау ешқашан кеш емес! Темекі шегуді тоқтату өкпенің жұмысын жақсартуға, созылмалы аурулардың даму қаупін төмендетуге және ағзаның жалпы жағдайы мен өмір сапасына оң әсер етуге көмектеседі. 💙 Салауатты әдеттер - болашаққа салынған инвестиция Салауатты өмір салты өмірдің барлық кезеңінде маңызды. Өзіңізге қамқорлық жасауды бастау ешқашан кеш емес: көбірек қозғалыңыз, дұрыс тамақтаныңыз, темекі шегуден бас тартыңыз және өз денсаулығыңызға көңіл бөліңіз. Бүгін денсаулығыңызға қамқорлық жасаңыз - болашақта белсенділікті, тәуелсіздікті және өмірдің жоғары сапасын сақтаңыз!   Кенеттен қызметкерге аударым жасамайтын жұмыс беруші қандай жауапкершілікке тартылады

Құрметті аға буын өкілдері! Сіздерге ең шынайы құттықтауымызды және жүрекжарды алғысымызды қабыл алыңыздар! ❤️ Осы ерекше күні сіздерге зор денсаулық, ұзақ әрі бақытты ғұмыр, жан тыныштығы және әрбір жаңа күннен қуаныш тілейміз. Жандарыңызда әрдайым туған-туыстарыңыз бен жақындарыңыз, сүйікті балаларыңыз бен жүректеріңізге жақын немерелеріңіз болсын. Олардың ықыласы, қамқорлығы мен сүйіспеншілігі сіздерді жылытып, өмірлеріңізді жарқын әрі жағымды сәттерге толтырсын. Сіздерге бейбітшілік, отбасылық жылулық, береке-бірлік және күлімсіреуге себеп болатын қуанышты сәттердің көп болуын тілейміз. Үйлеріңізде әрдайым мейірімділік пен өзара түсіністік орнап, әр күндеріңіз жақсы жаңалықтар мен қуанышты оқиғаларға толы болсын. 🌷 Сіздерге даналықтарыңыз, өмірлік тәжірибелеріңіз, мейірімділіктеріңіз бен айналаңыздағыларға молынан сыйлайтын жылулықтарыңыз үшін алғысымызды білдіреміз. Өмірлеріңіздің күзі алтын түстес, жылы әрі бақытты болсын! 🍁❤️ Мерекелеріңізбен! Сіздерге бақыт, жақындарыңыздың ықыласы мен қамқорлығын және бар жақсылықты тілейміз! 🌷   МӘМС  жарналары қалай және қайда жасалады

29 қыркүйекте акт залында дәрігер-реабилитолог Идрисова А. М. дәрігерлерді медициналық оңалтудың негізгі қағидаларымен және пациенттерді жүргізу тактикасының ерекшеліктерімен таныстырды. Әрбір пациентке жеке көзқарас танытуға, оның жағдайы мен қажеттіліктерін ескере отырып жүргізу тактикасын таңдауға, сондай-ақ қалпына келтіру шараларын уақтылы бастауға ерекше назар аударылды. Емдеудің барлық кезеңдерінде сабақтастықты сақтау және оңалтудың тиімді нәтижелеріне қол жеткізу үшін әртүрлі бейіндегі мамандардың өзара іс-қимылының маңыздылығы атап өтілді.   Артық немесе қате есептелген қаражатты/жарналарды/өсімпұлдарды МӘМС арқылы қайтару қалай жүзеге асырылады

29 қыркүйекте дәрігер-кардиолог Телжанов Ә. Ж. пациенттермен Дүниежүзілік жүрек күніне орай дөңгелек үстел өткізді. Кездесу барысында жүрек-қантамыр ауруларының алдын алу мәселелері, салауатты өмір салтының, дұрыс тамақтанудың және дене белсенділігінің маңыздылығы талқыланды. Дәрігер артериялық қысымды үнемі бақылау, өз денсаулығына көңіл бөлу және дәрігерге уақтылы жүгіну қажеттілігі туралы айтып берді. Қатысушылар өздерін қызықтырған сұрақтарды қойып, маманнан пайдалы ұсыныстар алды. Осындай кездесулер халықтың хабардарлығын арттыруға ықпал етеді және жүрек денсаулығына қамқорлық жасаудың маңыздылығын тағы бір рет еске салады. ❤️ Жүрегіңізді сақтаңыз - күн сайын денсаулығыңызға қамқорлық жасаңыз!   Қ орына жарналарды төлеуден кім босатылады және мемлекет кімге аударым жасайды