Жаңалықтар

21 шілде күні емхананың мәжіліс залында дәрігерлерге арналған оқыту семинары өтті. Дәрігер-инфекционист Пешкова Ф.Р. аса қауіпті инфекциялардың алдын алу тақырыбында – Қырым-Конго геморрагиялық қызбасы (ҚКГҚ) бойынша презентация ұсынды. Семинар барысында эпидемиологиялық жағдайдың өзекті мәселелері, инфекцияның берілу жолдары, аурудың клиникалық көріністері, сондай-ақ Қырым-Конго геморрагиялық қызбасын диагностикалаудың, емдеудің және алдын алудың заманауи әдістері қарастырылды. Ауруға күдік туған жағдайда медицина қызметкерлерінің іс-қимыл алгоритміне, инфекциялық қауіпсіздік шараларын сақтауға және тиісті қызметтерді уақтылы хабардар ету қажеттілігіне ерекше назар аударылды.   Кенеттен қызметкерге аударым жасамайтын жұмыс беруші қандай жауапкершілікке тартылады

Құрметті пациенттер! «Павлодар қаласының №5 емханасы» ШЖҚ КМК-да азаматтардың өтініштерін жедел қарау, пациенттердің құқықтарын қорғау және медициналық қызмет көрсету сапасын арттыру мақсатында құрылған Пациенттерді қолдау қызметі жұмыс істейді. Пациенттерді қолдау қызметінің негізгі міндеті - медициналық көмектің қолжетімділігі мен ашықтығын қамтамасыз ету, сондай-ақ пациенттерге туындайтын мәселелерді шешуге көмек көрсету. Сіз Пациенттерді қолдау қызметіне келесі мәселелер бойынша жүгіне аласыз: мамандардың қабылдауына жазылуды ұйымдастыру және медициналық көмек алу; медициналық қызмет көрсету сапасы; пациенттердің құқықтарының сақталуы; тексеру және емдеу мәселелері бойынша түсіндірме алу; ұсыныстар, пікірлер енгізу және шағымдар беру. Әрбір өтініш мұқият, объективті түрде және заңнамада белгіленген мерзімдерде қаралады. Пациенттерді қолдау қызметінің байланыс ақпараты: «Павлодар қаласының №5 емханасы» ШЖҚ КМК 📍 Мекенжайы: Павлодар қаласы, Камзин көшесі, 5 📞 Пациенттерді қолдау қызметінің телефондары: +7 (7182) 76-40-90 +7 701 006 51 94 📧 Электрондық пошта: policlinika5@mail.ru Пациенттерді қолдау қызметінің басшысы: Абылхасан Айгүл Жеңісқызы 📞 Телефон: +7 705 165 88 32 Біз диалогқа ашықпыз және сапалы әрі қолжетімді медициналық көмек алуға байланысты мәселелерді шешуге дайынбыз.   МӘМС  жарналары қалай және қайда жасалады

Қате және (немесе) артық есептелген қаражатты қайтаруды «Азаматтарға арналған үкімет» Мемлекеттік корпорациясы КЕАҚ жүзеге асырады. Ол үшін Мемлекеттік корпорацияға қағаз жеткізгіште өтініш беру қажет. Егер сіз тәуелсіз төлеуші болсаңыз-үлгі бойынша өтініш толтырыңыз. Егер өтінішті жұмыс беруші берсе, қызметкердің қаражатты қайтаруға келісімі қосымша талап етіледі. Мемлекеттік корпорацияның мекен-жайлары мен өтініш үлгілері ресми сайтта қол жетімді  https://msqory.kz/.../uznat.../vozvrat-platezhey-na-osms/ Қайтару мерзімі-Өтініш берілген күннен бастап 15 жұмыс күніне дейін. Ақшаны қайтарудан бас тартудың жалпы себептері: * бұрын төленбеген кезеңдер үшін МӘМС жарналары бойынша берешектің болуы; * құжаттарда дұрыс емес мәліметтердің болуы; * өтініштің заңнама талаптарына сәйкес келмеуі; * дербес деректерді өңдеуге келісімнің болмауы.   Артық немесе қате есептелген қаражатты/жарналарды/өсімпұлдарды МӘМС арқылы қайтару қалай жүзеге асырылады

Жеке гигиена – мықты денсаулықтың, жақсы көңіл-күйдің және көптеген аурулардың алдын алудың негізі. Күн сайын қарапайым ережелерді сақтау тістердің, терінің және жалпы ағзаның саулығын сақтауға, сондай-ақ толыққанды демалуға қолайлы жағдай жасауға көмектеседі. Ауыз қуысының гигиенасы Ауыз қуысына дұрыс күтім жасау тістер мен қызыл иектің саулығын сақтауға, сондай-ақ ас қорытуға оң әсер етеді. Ұсынылады: тістерді күніне екі рет – таңертең және кешке тазалау; тек жеке тіс щеткасын пайдалану; әр тамақтанғаннан кейін ауызды шаю; тіс щеткасын әр 2 ай сайын ауыстыру; жылына кемінде екі рет тіс дәрігеріне қаралу. Киімнің, аяқ киімнің және іш киімнің гигиенасы Киім мен аяқ киім ағзаны ластанудан, салқындаудан және қоршаған ортаның басқа да қолайсыз әсерлерінен қорғайды. Маңызды: іш киімді, шұлықтарды, шұлық бұйымдарын күн сайын ауыстыру; киім мен аяқ киімді өлшеміне және анатомиялық ерекшеліктеріне сәйкес таңдау; табиғи матадан тігілген, маусымға сай киім мен аяқ киімге артықшылық беру; басқа адамның киімі мен аяқ киімін пайдаланбау. Ұйықтайтын орынның гигиенасы Таза әрі ұқыпты ұйықтайтын орынсыз толыққанды ұйқы мүмкін емес. Дұрыс демалу үшін ұсынылады: отбасының әрбір мүшесіне жеке сүлгі мен төсек-орын жабдықтарын пайдалану; төсек жаймаларын аптасына кемінде бір рет ауыстыру; ұйықтар алдында жатын бөлмені желдету; таза түнгі киімге ауысу; үй жануарларын төсекке шығармау. Денсаулығыңызды сақтаңыз! Жеке гигиена ережелерін сақтау – көптеген аурулардың алдын алуға және ұзақ жылдар бойы жақсы көңіл-күй мен жақсы денсаулықты сақтауға көмектесетін қарапайым күнделікті әдет.   Қ орына жарналарды төлеуден кім босатылады және мемлекет кімге аударым жасайды

Вирустық гепатиттер – бауырды зақымдайтын жұқпалы аурулар. Ең қауіптілері – В және С вирустық гепатиттері, өйткені олар ұзақ уақыт бойы ешқандай белгілерсіз өтіп, бауыр циррозы мен қатерлі ісігінің дамуына әкелуі мүмкін. Жұқтырудың негізгі жолдары: қорғалмаған жыныстық қатынас; стерильденбеген медициналық және косметологиялық құралдар арқылы жұқтырылған қанмен байланыс; шприцтерді және жеке бас гигиенасына арналған заттарды ортақ пайдалану; инфекцияның анадан балаға жүктілік және босану кезінде берілуі. Жұқтыру қаупін қалай төмендетуге болады? В вирустық гепатитіне қарсы вакцина алу; тек жеке бас гигиенасына арналған заттарды пайдалану; лицензиясы бар медициналық және косметологиялық ұйымдарға жүгіну; қауіпсіз мінез-құлық қағидаларын сақтау. Вирустық гепатиттерді ерте анықтау емдеуді дер кезінде бастауға және ауыр асқынулардың дамуының алдын алуға мүмкіндік береді. Егер қауіп факторлары болса, дәрігерге қаралып, қажетті тексеруден өтіңіз. Денсаулығыңызды күтіңіз! Уақтылы профилактика мен диагностика – вирустық гепатиттерден қорғанудың ең тиімді жолы.   Сіздің жұмыс берушіңіз МӘСҚ –на  аударым төлейтінін қалай білуге болады

Салауатты әдеттердің қалыптасуы отбасынан басталады. Ата-ананың жеке үлгісі, сенімді қарым-қатынасы және темекі шегудің зияны туралы дер кезінде жүргізілген әңгіме баланың темекімен және электрондық темекімен танысу қаупін азайтуға көмектеседі. Балаларға кез келген темекі шегудің қауіпті екенін түсіндіріңіз, оларды құрдастарының қысымына қарсы тұруға үйретіңіз, үйде темекі түтінінен азат орта қалыптастырыңыз. Егер балаңыз темекі шеге бастаған болса, оны айыптамай, сабырмен сөйлесіп, зиянды әдеттен арылу жолында қолдау көрсету маңызды.   Балалардың денсаулығы – біздің қолымызда!   Қызметкерлер үшін М Ә МС-ға аударымдар мен жарналар

«Әлеуметтік медициналық сақтандыру қоры» КЕАҚ азаматтар, медициналық ұйымдар, медициналық қызметтерді жеткізушілер және бұқаралық ақпарат құралдарының өкілдері үшін анағұрлым заманауи, ыңғайлы әрі функционалды болған msqory.kz жаңартылған ресми сайтын іске қосты. Сайтты әзірлеу барысында навигацияның қолайлылығына, мобильді құрылғыларға бейімделуіне және ең көп сұранысқа ие сервистерге жедел қолжетімділікке ерекше назар аударылды. Жаңартылған құрылымның арқасында пайдаланушылар қажетті ақпаратты оңай тауып, электрондық қызметтерді тиімді пайдалана алады. Жаңа сайтта келесі бөлімдер ұсынылған: «Қор туралы» – Қордың қызметі, корпоративтік басқару, есептілік, бос жұмыс орындары және мемлекеттік сатып алу туралы ақпарат; «Пациенттерге» – МӘМС және ТМККК туралы мәліметтер, медициналық қызметтер, пациенттердің құқықтары, дәрілік қамтамасыз ету, профилактика, шетелде емделу және басқа да маңызды ақпарат; «Өнім берушілерге» – медициналық ұйымдарға арналған ақпарат, оның ішінде өнім беруші мәртебесін алу тәртібі, нормативтік құжаттар, сатып алу веб-порталы және басқа да сервистер; «Баспасөз орталығы» – жаңалықтар, бейнематериалдар, бұқаралық ақпарат құралдарындағы жарияланымдар және журналистерге арналған байланыс ақпараты; «МӘМС гиді» – азаматтардың әртүрлі санаттарына арналған дербестендірілген ақпарат және жиі қойылатын сұрақтарға жауаптар; «Сервистер» – МӘМС жүйесіндегі мәртебені тексеру, төлемдер калькуляторы, онлайн төлем жасау, төлемдерді қайтару, анықтама алу және емхананы іздеу. Пайдаланушылардың ыңғайлылығы үшін бір ай бойы сайттың алдыңғы нұсқасы да қолжетімді болады. Оған басты беттегі «Сайттың ескі нұсқасы» батырмасы арқылы өтуге болады. Сайттың жаңартылуы Қордың цифрлық сервистерді дамыту және қызметінің ашықтығын арттыру жөніндегі жұмысының бір бөлігі болып табылады. Жаңа портал кез келген құрылғыдан ақпаратқа жедел қол жеткізуге мүмкіндік береді және пайдаланушылардың Қормен өзара іс-қимылын бұрынғыдан да ыңғайлы етеді. Жаңартылған сайтқа өтіңіз: https://msqory.kz/ru/ Қордың ресми парақшаларына жазылыңыз: YouTube: https://www.youtube.com/@msqory_kz Telegram: https://t.me/medsaqtandyru Facebook: https://www.facebook.com/msqory/ Instagram: https://www.instagram.com/msqory_kz/   Дербес төлеушілер үшін МӘМС жарналары

МӘМС жүйесі аясында сақтандырылған азаматтар медициналық көрсетілімдер және дәрігердің жолдамасы болған жағдайда күндізгі стационар жағдайында медициналық көмек ала алады. Көрсетілетін қызметтердің тізбесі диагнозға және емдеудің клиникалық хаттамаларына байланысты. Күндізгі стационарда мыналар қолжетімді: -мамандардың консультациялары; -диагностикалық тексерулер; -инфузиялық терапия (тамшылатқыштар); -инъекциялар және басқа да емдік процедуралар; -медицина қызметкерлерінің бақылауы. Жолдама алу үшін өзіңіздің учаскелік дәрігеріңізге жүгініңіз. МӘМС жүйесіндегі сақтандырылу мәртебеңізді тексеріп, медициналық көмекті уақтылы алыңыз.   МӘМС -ТІҢ НЕГІЗГІ АРТЫҚШЫЛЫҚТАРЫ