Жаңалықтар

Жыл сайын 31 қазанда Қазақстанда Алкогольден бас тарту ұлттық күні аталып өтеді. Бұл күннің мақсаты — халықтың назарын алкогольді ішімдіктерді тұтынуға байланысты мәселелерге аудару және салауатты, белсенді өмір салтының маңыздылығын еске салу. Алкогольді шамадан тыс пайдалану бауыр циррозы, жүрек-қан тамыр және жүйке жүйесі аурулары сияқты ауыр дерттердің негізгі себептерінің бірі болып табылады. Алкоголь адамның иммунитетін төмендетеді, психоэмоционалды жағдайын нашарлатады, отбасылық және әлеуметтік мәселелерге әкеледі. Алкогольден бас тарту — бұл жай ғана уақытша шешім емес, ол денсаулықты, ұзақ өмір мен амандықты таңдаудың саналы қадамы. Тіпті уақытша ішімдік ішуден бас тарту ұйқыны, көңіл күйді, назар аударуды және жалпы хал-ахуалды жақсартады. Өз денсаулығыңыз бен жақындарыңыздың амандығын сақтаңыз — денсаулықты, сергектікті және белсенді өмірді таңдаңыз! Сақтандырылған азаматтар   МӘМС  бойынша ЭКО- ға сене ала ма    

 Қант диабеті – қазіргі кезде кең таралған созылмалы аурулардың бірі. Аурудың дамуы көбінесе өмір салтына, тамақтануға және тұқым қуалаушылыққа байланысты. Дегенмен, дер кезінде жүргізілген профилактикалық шаралар диабет қаупін айтарлықтай төмендетеді. Алдын алу шаралары: Дене салмағын қалыпты деңгейде ұстаңыз. Артық салмақ 2-типті қант диабетінің даму қаупін арттырады. Тамақтануды теңгерімді етіп, калорияны бақылап отырыңыз. Дұрыс тамақтаныңыз. Қант пен тәтті тағамдарды азайтыңыз. «Жылдам» көмірсуларды (тәтті сусындар, ақ нан, бәліштер) шектеңіз. Көкөністерді, дәнді дақылдарды, балық пен майсыз етті көбірек тұтыныңыз. Тамақты уақытылы ішіңіз, шамадан тыс тамақтанбаңыз. Белсенді өмір салтын ұстаныңыз. Күн сайын 30–40 минут серуендеу, жүзу немесе жеңіл дене жаттығулары зат алмасуды қалыпқа келтіреді және қандағы қант деңгейін реттеуге көмектеседі. Қан қысымы мен холестерин деңгейін бақылаңыз. Бұл көрсеткіштер қант диабеті мен оның асқынуларының даму қаупімен тығыз байланысты. Медициналық тексеруден тұрақты өтіп тұрыңыз. Әсіресе 40 жастан асқан адамдарға, артық салмағы бар немесе отбасында диабетпен ауыратын туыстары барларға жыл сайын қандағы қант деңгейін тексеру маңызды. Зиянды әдеттерден бас тартыңыз. Темекі шегу мен алкогольді шамадан тыс ішу зат алмасуға кері әсерін тигізіп, асқынулар қаупін арттырады. Есіңізде болсын: қандағы қант алмасудың ерте бұзылуын анықтау қант диабетінің дамуын болдырмауға және денсаулығыңызды ұзақ жылдар бойы сақтауға мүмкіндік береді. Міндетті әлеуметтік медициналық сақтандыру шеңберіндегі медициналық қызметтер тізбесі  

2025 жылғы 29 қазанда №5 емханада Дүниежүзілік инсультпен күрес күніне орай ашық есік күні өткізілді. Іс-шараның мақсаты – халықтың инсульттің себептері мен белгілері туралы хабардарлығын арттыру, сондай-ақ бұл аурудың алдын алудың уақтылы жүргізілуінің маңыздылығын еске салу. Іс-шара барысында пациенттерге инсульттің алғашқы белгілері, оның алдын алу шаралары және симптомдар пайда болған жағдайда дереу медициналық көмекке жүгінудің қажеттілігі туралы айтылды. Келушілер мамандардың кеңестерін алып, артериялық қысымдарын өлшетті, инсульттің даму қаупін төмендету жолдарын білді және инсульттің алдын алу, дұрыс тамақтану, дене белсенділігі мен салауатты өмір салтын ұстану жөнінде ақпараттық-ағартушылық материалдар алды. Кенеттен қызметкерге аударым жасамайтын жұмыс беруші қандай жауапкершілікке тартылады

Әр жылы 29 қазан күні бүкіл әлемде Дүниежүзілік инсультпен күрес күні аталып өтеді -бұл қан тамырларының саулығына көңіл бөлу мен уақытылы алдын алудың маңыздылығын еске салады. Инсульттің алдын алуға болады! Артериялық қысымды бақылау, темекіден бас тарту, дұрыс тамақтану және тұрақты дене белсенділігі ауру қаупін айтарлықтай төмендетеді. Біздің емханада осы күнге орай дөңгелек үстел өткізілді, онда невропатолог дәрігер Жапарова Айгүл Қайруллиновна инсульттің алғашқы белгілері, оның алдын алу шаралары және дер кезінде медициналық көмекке жүгінудің маңызы туралы әңгімеледі. Есіңізде болсын: егер кенеттен әлсіздік, сөйлеудің бұзылуы немесе бет асимметриясы байқалса - дереу жедел жәрдем шақырыңыз, әр минут маңызды! Денсаулығыңызды сақтаңыз - аурудың алдын алу оны емдеуден жақсы. МӘМС жарналары қалай және қайда жасалады

29 қазанда бүкіл әлемде Инсультпен күресудің дүниежүзілік күні атап өтіледі. 2025 жылы бұл күн «Әр минут маңызды» деген ұранмен өтеді. Инсульт – бұл мидың қан айналымының жіті бұзылуы, ол ауыр салдарға – мүгедектікке немесе өлімге әкелуі мүмкін. Жыл сайын бүкіл әлемде миллиондаған адам осы ауруға шалдығады, және дер кезінде медициналық көмек көрсетілген жағдайда олардың жартысына жуығын болдырмауға болады. Бұл күннің мақсаты – инсульттің алдын алудың, дер кезінде диагноз қоюдың және алғашқы белгілер кезінде шұғыл медициналық көмек көрсетудің маңыздылығын еске салу. Инсультті қалай тануға болады? Инсультті анықтауға көмектесетін қарапайым белгілерді білу маңызды: -Беттің қисаюы – бет бір жағына түскен, күлкі асимметриялы болады -Сөйлеудің бұзылуы – адам анық сөйлей алмайды немесе қарапайым сөйлемді айта алмайды -Қол-аяқтың әлсіздігі – бір немесе екі қолды көтере алмайды, ұйып қалу сезімі пайда болады Бұл белгілер пайда болған жағдайда жедел жәрдем шақыру қажет. Әр минут маңызды – әрекет ету жылдамдығына науқастың өмірі мен кейінгі сауығуы байланысты. Инсульттің алдын алу Инсульт қаупін төмендету үшін мыналар ұсынылады: -Артериялық қысымды бақылау -Темекі шегуден және алкогольді шамадан тыс тұтынудан бас тарту -Қандағы қант пен холестерин деңгейін қалыпты ұстау -Салауатты өмір салтын ұстану және дұрыс тамақтану қағидаларын сақтау -Диспансерлеуден және дәрігерлік тексеруден жүйелі түрде өтіп тұру   Денсаулығыңызды күтіңіз – белгілерге мән бермей жүрмеңіз, өзіңізге және жақындарыңызға қамқор болыңыз! Артық немесе қате есептелген қаражатты/жарналарды/өсімпұлдарды  МӘМС  арқылы қайтару қалай жүзеге асырылады

Павлодар қаласындағы №5 емхана болашақ технологияларын енгізуде! Енді пациенттердің өтініштерін өңдеу үшін жасанды интеллект негізіндегі зияткерлік жүйе қолданылады. Бұл жүйе пациенттермен байланысты барынша ыңғайлы, жылдам және тиімді етуге бағытталған. Қоңырау шалу кезінде оператор әдеттегідей жұмыс істейді, ал жасанды интеллект фондық режимде сөйлеуді танып, әңгімені мәтінге айналдырады және автоматты түрде электрондық өтініш картасын жасайды. Жүйе өтініш түрін – қабылдауға жазылу, кеңес алу, анықтама, шағым немесе пікір екенін – өздігінен анықтайды. Бұл операторларға түсетін жүктемені азайтып, қызмет көрсетуді жеделдетеді. Сонымен қатар, жасанды интеллект өтініштердің тақырыбы мен жиілігі бойынша талдау жүргізеді – енді мамандар тұрғындарды көбіне қандай мәселелер мазалайтынын көріп, медициналық көмектің сапасын нақты деректер негізінде жақсарта алады. Бар болғаны 10 күн ішінде жүйе алғашқы қоңырауларды өңдеп, тамаша нәтижелер көрсетуде! Бұл – №5 емхананың цифрландыру мен қызмет сапасын арттыру жолындағы тағы бір қадамы. Павлодар тұрғындары үшін медициналық көмекті барынша қолжетімді әрі ыңғайлы ету – емхананың басты мақсаты. Қ орына жарналарды төлеуден кім босатылады және мемлекет кімге аударым жасайды

ОСМС шеңберінде офтальмологиялық көмек алу үшін: 1.Учаскелік дәрігерге жүгіну қажет. 2.Көрсетілімдер болған жағдайда офтальмологқа жолдама алу. 3.Бастапқы тексеруден өту (ОКТ, биомикроскопия, циклопскопия). 4.Емдеу форматын таңдау Егер жоспарлы госпитализацияға көрсетілімдер болса, дәрігер жолдама береді, сол жолдамамен клиника таңдалады және bg.eisz.kz сайтынан талон алынады. ОСМС жүйесінде офтальмологиялық көмек көрсететін медициналық ұйымдар көмекті үш негізгі бағыт бойынша көрсетеді: 1.Амбулаториялық жағдайда көмек. Госпитализацияны қажет етпей, офтальмологтың кеңесі мен диагностикалық процедуралардан өту. 2.Күндізгі стационарларда ем. Мысалы, көз бұршағын ауыстыру бойынша операция. Пациент күндізгі уақытта ем алып, арнайы палатада демалу мүмкіндігіне ие болады. 3.Тәулік бойы бақылау жүргізілетін стационарларда ем. Мысалы, глаукома кезінде лазерлік түзету сияқты күрделі араласулар жасалады Сіздің жұмыс берушіңіз МӘСҚ –на аударым төлейтінін қалай білуге болады

17 қазан күні Павлодар облыстық кардиологиялық орталығында «Павлодар облысындағы БҚА мәселелері: алғашқы профилактикадан кардиореабилитацияға дейін» тақырыбында ғылыми-тәжірибелік конференция өтті. Конференция жұмысына өңірдің медициналық ұйымдарынан кардиологтар, неврологтар, терапевтер мен жалпы практика дәрігерлері қатысты. «БҚА бар пациенттерді профилактикалау, диагностикалау және скрининг» тақырыбында баяндама жасаған №5 емхананың кардиолог-дәрігері Тельжанов Ә. Ж. өз сөзінде қауіп факторларын ерте анықтау мен бақылаудың заманауи тәсілдерін атап өтті, сондай-ақ жүйелі скрининг пен профилактикалық шаралардың маңыздылығына тоқталды. Талқылау барысында мамандар ерте диагностика, өмір салтын түзету және халық арасында профилактикалық бағдарламалардың тиімділігін арттыру мәселелері бойынша тәжірибе алмасты. Іс-шара өңірдегі жүрек-қан тамырлары ауруларының таралуын төмендету бағытында кәсіби ынтымақтастықты нығайтуға және кешенді көзқарасты дамытуға ықпал етті. Қызметкерлер үшін М Ә МС-ға аударымдар мен жарналар