Жаңалықтар

Инсульт – қазіргі заманның ең қауіпті ауруларының бірі. Жыл сайын мыңдаған адам оның салдарымен бетпе-бет келеді, ал бұл көбіне мүгедектікке немесе өлімге әкелуі мүмкін. Алайда инсульттің көпшілігін дер кезінде алдын алуға болады. Инсульт қаупін төмендетуге не көмектеседі 1.Қан қысымын бақылау. Жоғары қан қысымы – инсульттің басты қауіп факторы. Қан қысымын үнемі өлшеп, дәрігердің кеңесін ұстаныңыз. 2.Дұрыс тамақтану. Тағамыңызға көкөністерді, жемістерді, балық пен дәнді дақылдарды көбірек қосыңыз. Тұзды, майлы, қуырылған тағамды, тәттілер мен алкогольді шектеңіз. 3.Дене белсенділігі. Күн сайын жүру, жүзу немесе жеңіл гимнастика жасау жүрек пен қан тамырларын нығайтады. Күніне 30 минут орташа белсенділік жеткілікті. 4.Темекіден бас тарту. Никотин қан тамырларын зақымдап, атеросклерозды тездетеді. Темекіні тастаған соң бірнеше ай ішінде инсульт қаупі айтарлықтай төмендейді. 5.Қандағы қант пен холестерин деңгейін бақылау. Алдын алу мақсатында жылына кемінде бір рет медициналық тексеруден өтіңіз. 6.Стрессті басқару және жеткілікті ұйқы. Артық шаршаудан сақтаныңыз, жақсы демалыңыз және ұйқы режимін сақтаңыз. Есте сақтаңыз Инсульт кенеттен пайда болады, бірақ оның алдын алуға болады. Қан тамырларының саулығына күн сайын қамқорлық жасау – өмірді ұзартып, сапасын жақсартудың ең тиімді жолы. Егер өзіңізде немесе жақыныңызда аяқ-қолдың әлсіреуі, сөйлеудің бұзылуы немесе бет асимметриясы байқалса – дереу жедел жәрдем шақырыңыз. Уақтылы медициналық көмек өмірді сақтап, ауыр зардаптардың алдын алады. МӘМС -ТІҢ НЕГІЗГІ АРТЫҚШЫЛЫҚТАРЫ

Үстел теннисін танымал ету, салауатты өмір салтын насихаттау және спорттық шеберлік деңгейін арттыру мақсатында 2025 жылғы 19 қазанда JENIMPAZ үстел теннисі орталығында медициналық ұйымдар арасында облыстық біріншілік өтті. Іс-шараны Павлодар облыстық «SENIM» денсаулық сақтау қызметкерлері кәсіподағының филиалы «Павлодар медициналық жоғары колледжі» ШЖҚ КМК-ның қатысуымен ұйымдастырды. Турнирге ерлер және әйелдер командалары қатысты. Жарыстар ITTF ережелері бойынша – бес партиядан үш жеңіске дейін ойналды. №5 емханасының қызметкерлері жарысқа белсенді қатысып, жоғары дайындық деңгейін, спорттық ынта мен командалық рухты көрсетті. Дербес төлеушілер үшін МӘМС жарналары

Сүт безі қатерлі ісігі туралы хабардарлықты арттыруға арналған айлық шеңберінде 2025 жылғы 16 қазанда №5 емханада сүт безі қатерлі ісігінің алдын алу және оны ерте анықтауға бағытталған Ашық есік күні өткізілді. Іс-шара халықтың ауру, оның даму қауіп факторлары, ерте диагностикалау мүмкіндіктері мен алдын алу шаралары туралы хабардарлығын арттыруға бағытталды. Ашық есік күнін өткізудің мақсаты – халықтың профилактикалық тексерулердің маңыздылығы мен медициналық көмекке дер кезінде жүгінудің қажеттілігі туралы хабардарлығын арттыру. Осы күні онколог-маммолог дәрігер Төлеубаева У.Т. кеңес беру қабылдауын өткізіп, пациенттерді қарап, сүт безі қатерлі ісігінің алдын алу және оны ерте анықтау мәселелері бойынша түсіндіру жұмыстарын жүргізді. ЕАЭО - дан (Армения, Ресей, Беларусь, Қырғызстан) , шетелдіктерге, еңбек мигранттары на арналған   медициналық   көмектің көле мімен пайдалана алады.

Бүгін, 16 қазан күні, бүкіл әлемде Дүниежүзілік салауатты тамақтану күні аталып өтеді. Бұл күн теңгерімді тамақтанудың және біз тұтынатын тағамға саналы көзқарастың маңыздылығын еске салады. Дұрыс тамақтану денсаулықты нығайтып, энергияны арттыруға және көптеген аурулардың алдын алуға көмектеседі. Мамандар күнделікті ас мәзіріне көкөністер мен жемістерді, дәнді дақыл өнімдерін көбірек қосып, жеткілікті мөлшерде су ішуге кеңес береді. Майлы және тәтті тағамдарды азайту, тұзды мөлшерлеп пайдалану сияқты шағын қадамдардың өзі де денсаулыққа айтарлықтай пайда әкеледі. Салауатты тамақтану – жақсы көңіл күй мен мықты денсаулыққа бастар қарапайым жол! Тегін медициналық көмектің кепілдік берілген көлемінің тізбесі

15 қазан күні емхананың акт залында дәрігерлерге арналған семинар өтті. Семинар Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ 214/2020 бұйрығына сәйкес, «Туберкулездің алдын алу іс-шараларын жүргізу қағидаларын бекіту туралы» тақырыбына арналды. МӨО ПОФО тобының жетекшісі Омарова Н.Е. және Павлодар облысының штаттан тыс бас фтизиопедиатры Лукашенко О.П. келесі тақырыптар бойынша слайдтық презентация ұсынды: 1.Ересектер арасында туберкулезді ерте анықтау. 2.Балалар арасында туберкулезді ерте анықтау. Әлеуметтік маңызы бар аурулар санатына не кіреді және олар қалай қаржыландырылады

Сүт безі обырымен күресудің дүниежүзілік күніне орай №5 емханада пациенттерге арналған дөңгелек үстел өтті. Іс-шараны онколог-дәрігер Амангалиева А.А. өткізді. Кездесу барысында сүт безі обырының алдын алу және ерте анықтау мәселелері, сондай-ақ тұрақты профилактикалық тексерулердің маңыздылығы мен өзін-өзі тексеру әдістері талқыланды. Дәрігер қауіп факторлары, заманауи диагностика әдістері туралы айтып, маманға уақтылы жүгінудің әйел денсаулығы мен өмірін сақтаудағы маңызды рөлін атап өтті. Сонымен қатар, салауатты өмір салтының – дұрыс тамақтану, жеткілікті физикалық белсенділік және зиянды әдеттерден бас тартудың – маңыздылығы атап өтілді. Іс-шара қатысушылары ақпараттық жадынамалар мен аурулардың алдын алу жөніндегі практикалық ұсынымдар алды. Сақтандырылған азаматтар МӘМС  бойынша ЭКО- ға сене ала ма

15 қазан – бүкіл әлемде Сүт безі қатерлі ісігіне қарсы күресудің дүниежүзілік күні атап өтіледі. Бұл күннің мақсаты – ауру туралы хабардарлықты арттыру, оның алдын алу шаралары мен ерте диагностиканың маңыздылығын еске салу. Сүт безі қатерлі ісігі – әйелдер арасындағы ең кең таралған онкологиялық ауру. Ол барлық қатерлі ісіктердің шамамен 15%-ын құрайды. Дүниежүзілік денсаулық сақтау ұйымының (ДДҰ) деректері бойынша, жыл сайын әлемде шамамен 1 миллион жаңа жағдай тіркеледі, және статистика бойынша әр оныншы әйел осы ауруға шалдығады. Профилактика -Сүт бездерін үнемі өздігінен тексеріп отырыңыз. -40 жастан кейін жыл сайын маммография жасаудан өту ұсынылады. -Кез келген өзгерістер немесе күмән туындаған жағдайда дәрігерге жүгініңіз. -Ерте диагностика – өмірді сақтайды: ауру ерте сатысында анықталса, толық жазылу ықтималдығы 98%-ға дейін жетеді. Денсаулығыңызды қадағалаңыз, тексерулерден уақытылы өтіп тұрыңыз және сау болыңыз! Міндетті әлеуметтік медициналық сақтандыру шеңберіндегі медициналық қызметтер тізбесі

Инсульт  - бас миға қанның келуі тоқтаған жағдай, артериялардың жабылып қалуы немесе тамырдың қабырғасы жарылып қан құйылғанда жүйке жасушасының өлімі немесе зақымдалуы болады; имдың қанайналымы бұзылуының тез дамитын, мидың ұлпаларының зақымдалуы мен оның қызметінің бір уақытта бұзылуы. Дүниежүзілік денсаулықсақтау Ұйымы инсультты ғаламдық эпидемия деп жариялады. Өліммен аяқталатын саны бойынша инсульт миокард инфаркттынан кейін тұрақты екінші орынды иеленеді. Тест «FAST»- «Бет- Қол -Сөйлеу» Үй жағдайында инсультты диагностикалаудың қарапайым әрі сенімді тесті бар (инсультты 80% жағдайда диагностикалауға мүмкіндік береді). Ағылшын тілді әдебиеттерде бұл тест FAST тест (Face-Arm-Speech-Test, аударғанда «Бет-Қол-Сөйлеу-Тест) деп аталады. Бұл тесттің маңызы келесіде : 1.Науқас адамнан күлуді немесе тістерін көрсетуді сұрайды. Инсульт кезінде беттің білінетін асимметриясы болады (бет бұрышы бір жағынан «салбырап тұрады»). 2.Науқасты екі қолын 5 секунд 90° та көтеріп ұстап тұруын және отырған күйде 45°және жатқан күйде тұруын сұрайды. Инсульт кезінде қолдың біреуі құлайды. 3.Науқасқа жай сөз айтуды өтінеді. Инсульт кезінде науқас жай сөзді анық және дұрыс айта алмайды, оның сөзі түсініксіз, ұғынықсыз болады. Осы симптомдардың біреуі болған жағдайда дереу жедел жәрдем шақырту қажет, көмек жылдам көрсетілсе, соған орай қалпына келу де мүмкіндігі көбірек болады. Салауатты өмір салтын ұстанғанда және алдын алу шараларын өткізгенде инсультты болдырмауға болады (медқаралулардан өту); СӨС-тің негізгі ұстанымдарын сақтаңыз: - Зиянды әдеттерден бас тарту (шылым шегу, алкоголь, наркотик); -Дұрыс тамақтану (тамақтанудың дұрыс рационы, жемістер мен көкөністерді көп қолдану, толық дәндерден жасалған тамақтар, майлы емес ет, балық және бұршақ өнімдері, тұзды, қантты және майды шектеп қолдану); -Ретті физикалық белсенділік; -Еңбек және демалыс режимін сақтау. Кенеттен қызметкерге аударым жасамайтын жұмыс беруші қандай жауапкершілікке тартылады