Жаңалықтар

Салауатты әдеттердің қалыптасуы отбасынан басталады. Ата-ананың жеке үлгісі, сенімді қарым-қатынасы және темекі шегудің зияны туралы дер кезінде жүргізілген әңгіме баланың темекімен және электрондық темекімен танысу қаупін азайтуға көмектеседі. Балаларға кез келген темекі шегудің қауіпті екенін түсіндіріңіз, оларды құрдастарының қысымына қарсы тұруға үйретіңіз, үйде темекі түтінінен азат орта қалыптастырыңыз. Егер балаңыз темекі шеге бастаған болса, оны айыптамай, сабырмен сөйлесіп, зиянды әдеттен арылу жолында қолдау көрсету маңызды.   Балалардың денсаулығы – біздің қолымызда!   Қызметкерлер үшін М Ә МС-ға аударымдар мен жарналар

«Әлеуметтік медициналық сақтандыру қоры» КЕАҚ азаматтар, медициналық ұйымдар, медициналық қызметтерді жеткізушілер және бұқаралық ақпарат құралдарының өкілдері үшін анағұрлым заманауи, ыңғайлы әрі функционалды болған msqory.kz жаңартылған ресми сайтын іске қосты. Сайтты әзірлеу барысында навигацияның қолайлылығына, мобильді құрылғыларға бейімделуіне және ең көп сұранысқа ие сервистерге жедел қолжетімділікке ерекше назар аударылды. Жаңартылған құрылымның арқасында пайдаланушылар қажетті ақпаратты оңай тауып, электрондық қызметтерді тиімді пайдалана алады. Жаңа сайтта келесі бөлімдер ұсынылған: «Қор туралы» – Қордың қызметі, корпоративтік басқару, есептілік, бос жұмыс орындары және мемлекеттік сатып алу туралы ақпарат; «Пациенттерге» – МӘМС және ТМККК туралы мәліметтер, медициналық қызметтер, пациенттердің құқықтары, дәрілік қамтамасыз ету, профилактика, шетелде емделу және басқа да маңызды ақпарат; «Өнім берушілерге» – медициналық ұйымдарға арналған ақпарат, оның ішінде өнім беруші мәртебесін алу тәртібі, нормативтік құжаттар, сатып алу веб-порталы және басқа да сервистер; «Баспасөз орталығы» – жаңалықтар, бейнематериалдар, бұқаралық ақпарат құралдарындағы жарияланымдар және журналистерге арналған байланыс ақпараты; «МӘМС гиді» – азаматтардың әртүрлі санаттарына арналған дербестендірілген ақпарат және жиі қойылатын сұрақтарға жауаптар; «Сервистер» – МӘМС жүйесіндегі мәртебені тексеру, төлемдер калькуляторы, онлайн төлем жасау, төлемдерді қайтару, анықтама алу және емхананы іздеу. Пайдаланушылардың ыңғайлылығы үшін бір ай бойы сайттың алдыңғы нұсқасы да қолжетімді болады. Оған басты беттегі «Сайттың ескі нұсқасы» батырмасы арқылы өтуге болады. Сайттың жаңартылуы Қордың цифрлық сервистерді дамыту және қызметінің ашықтығын арттыру жөніндегі жұмысының бір бөлігі болып табылады. Жаңа портал кез келген құрылғыдан ақпаратқа жедел қол жеткізуге мүмкіндік береді және пайдаланушылардың Қормен өзара іс-қимылын бұрынғыдан да ыңғайлы етеді. Жаңартылған сайтқа өтіңіз: https://msqory.kz/ru/ Қордың ресми парақшаларына жазылыңыз: YouTube: https://www.youtube.com/@msqory_kz Telegram: https://t.me/medsaqtandyru Facebook: https://www.facebook.com/msqory/ Instagram: https://www.instagram.com/msqory_kz/   Дербес төлеушілер үшін МӘМС жарналары

МӘМС жүйесі аясында сақтандырылған азаматтар медициналық көрсетілімдер және дәрігердің жолдамасы болған жағдайда күндізгі стационар жағдайында медициналық көмек ала алады. Көрсетілетін қызметтердің тізбесі диагнозға және емдеудің клиникалық хаттамаларына байланысты. Күндізгі стационарда мыналар қолжетімді: -мамандардың консультациялары; -диагностикалық тексерулер; -инфузиялық терапия (тамшылатқыштар); -инъекциялар және басқа да емдік процедуралар; -медицина қызметкерлерінің бақылауы. Жолдама алу үшін өзіңіздің учаскелік дәрігеріңізге жүгініңіз. МӘМС жүйесіндегі сақтандырылу мәртебеңізді тексеріп, медициналық көмекті уақтылы алыңыз.   МӘМС -ТІҢ НЕГІЗГІ АРТЫҚШЫЛЫҚТАРЫ

Жазғы ыстық ауа райы ағза үшін үлкен сынақ болуы мүмкін. Ауаның жоғары температурасы, әсіресе балалар, қарт адамдар, жүкті әйелдер және созылмалы аурулары бар науқастар үшін қызып кету мен сусыздану қаупін арттырады. Ыстық күндері өзіңізді жақсы сезіну үшін емхана мамандары келесі ұсыныстарды сақтауға кеңес береді: ☀️ су ішу тәртібін сақтап, жеткілікті мөлшерде таза су ішіңіз; ☀️ күннің ең белсенді уақытында (11:00-ден 17:00-ге дейін) ұзақ уақыт күн астында болудан аулақ болыңыз; ☀️ табиғи матадан тігілген жеңіл киім киіп, бас киімдерді пайдаланыңыз; ☀️ күндізгі уақытта дене жүктемесін азайтыңыз; ☀️ жеңіл тағамдарға, көкөністер мен жемістерге басымдық беріңіз; ☀️ үй-жайларда қолайлы температураны сақтаңыз. Қызып кету белгілеріне назар аударыңыз: әлсіздік, бас айналу, бас ауруы, жүрек айнуы, дене қызуының көтерілуі, жүрек соғуының жиілеуі, есінен тану. Осындай белгілер пайда болған жағдайда адамды салқын жерге апарып, таза ауа келуін қамтамасыз ету, есі дұрыс болған кезде су беру және қажет болған жағдайда медициналық көмекке жүгіну қажет.   Өзіңізді және жақындарыңызды сақтаңыз! Жаз мезгілі қауіпсіз өтіп, тек пайда мен қуаныш әкелсін. ЕАЭО - дан (Армения, Ресей, Беларусь, Қырғызстан) , шетелдіктерге, еңбек мигранттары на  арналған   медициналық   көмектің көле мімен пайдалана алады.

13–19 шілде аралығында жыныстық жолмен берілетін инфекциялардың алдын алу апталығы өтуде. Жыныстық жолмен берілетін инфекциялар (ЖЖБИ) көбінесе ешқандай белгілерсіз өтеді, алайда уақтылы анықталып, емделмеген жағдайда денсаулыққа ауыр зардаптар әкелуі мүмкін. Жұқтырудың алдын алуға қарапайым шаралар көмектеседі: өз денсаулығына жауапкершілікпен қарау, тосқауылдық контрацепция құралдарын пайдалану, кездейсоқ жыныстық қатынастан бас тарту, тұрақты профилактикалық тексерулерден өту және қандай да бір белгілер пайда болған жағдайда дәрігерге дер кезінде қаралу. Өзіңізді және жақындарыңызды қорғаңыз. Алдын алу, өз денсаулығыңызға мұқият қарау және тұрақты медициналық тексерулерден өту – репродуктивтік денсаулықты сақтаудың және өмір сапасын арттырудың сенімді жолы.   Тегін медициналық көмектің кепілдік берілген көлемінің тізбесі

10 шілде күні №5 емхананың конференц-залында басшы орынбасарлары Валова О.В. және Абылхасан А.Ж. медицина қызметкерлерін 2026 жылғы 1 шілдеде күшіне енген Қазақстан Республикасы жаңа Конституциясының негізгі ережелерімен таныстырды. Конституцияның мемлекеттің құқықтық негіздерін нығайтудағы, азаматтардың құқықтары мен бостандықтарын қорғаудағы, сондай-ақ елдің одан әрі дамуы мен тұрақтылығын қамтамасыз етудегі негізгі ережелері қарастырылды. Конституциялық өзгерістердің маңыздылығына, олардың іс жүзінде қолданылуына және Конституция нормаларын сақтаудың әрбір қызметкердің азаматтық жауапкершілігі мен кәсіби қызметінің негізі ретіндегі маңыздылығына ерекше назар аударылды.   Әлеуметтік маңызы бар аурулар санатына не кіреді және олар қалай қаржыландырылады

Тұрақты дене белсенділігі егде жастағы адамдарға денсаулығын, жақсы көңіл күйін және өздігінен өмір сүру қабілетін сақтауға көмектеседі. Кез келген жаста белсенді болу пайдалы. Дене белсенділігі: -жүрек пен қан тамырларының денсаулығын қолдайды; -үйлесімділік пен тепе-теңдікті жақсартады; -бұлшықет күшін және буындардың қозғалғыштығын сақтайды; -көңіл күйді көтереді және күйзеліс деңгейін төмендетеді; -артериялық гипертензия, қант диабеті, остеопороз және басқа да созылмалы аурулардың алдын алуға көмектеседі. Денсаулықты сақтау үшін дене белсенділігінің әртүрлі түрлері қолайлы: жаяу жүру, йога, би, жеңіл гимнастика немесе таңғы жаттығу, жүзу және аквааэробика. Жаттығуды қауіпсіз бастау үшін: -күніне 5–10 минуттан бастаңыз; -жүктемені біртіндеп арттырыңыз; -ыңғайлы киім мен аяқ киім киіңіз; -қарқынды жаттығуларды бастамас бұрын дәрігермен кеңесіңіз. Ересектерге аптасына кемінде 150 минут орташа қарқынды дене белсенділігі (жылдам жүру, жүзу, велосипед тебу) немесе 75 минут жоғары қарқынды дене белсенділігі ұсынылады. Көбірек қозғалыста болыңыз: таза ауада серуендеңіз, бақшада еңбек етіңіз, би немесе спорт үйірмелеріне қатысыңыз. Белсенді өмір салты денсаулықты, сергектікті және өмір сапасын ұзақ жылдар бойы сақтауға көмектеседі.   Міндетті әлеуметтік медициналық сақтандыру шеңберіндегі медициналық қызметтер тізбесі

Иә. Міндетті әлеуметтік медициналық сақтандыру (МӘМС) жүйесінде сақтандырылған азаматтар тіркелген емханасында психологтың консультациясын тегін ала алады. Қызмет алғашқы медициналық-санитариялық көмек (МСАК) шеңберінде көрсетіледі. Психологиялық көмек консультация беруді, қолдау көрсетуді және профилактикалық жұмысты қамтиды. Сонымен қатар, жасөспірімдер мен жастар емханалар жанындағы жастар денсаулық орталықтарында консультация ала алады. Психологтың қабылдауына қалай жазылуға болады? Консультация алу үшін ересек пациенттер учаскелік терапевтке жүгінуі қажет. Көрсетілімдер болған жағдайда дәрігер психологқа жолдама береді. Жасөспірімдер мен жастар емхана жанындағы жастар денсаулық орталығына жолдамасыз тікелей жүгіне алады. Психологиялық көмекті уақытылы алу – психикалық денсаулықты сақтаудың, эмоционалдық әл-ауқатты нығайтудың және өмір сапасын арттырудың маңызды қадамы. Кенеттен қызметкерге аударым жасамайтын жұмыс беруші қандай жауапкершілікке тартылады